السلام عليكم و رحمة الله و بركاته
نوكا كلاصي nougat glacé
الوصفة شفتها عند الاخت راجية الرحمن وجربتها جات رائعة كنشكرها بزاف
المقادير
ثلاث بياض البيض + 2 معالق كبار سكر سنيدة + 3 معالق كبار عسل + 2 معالق كبار سكر سنيدة + 50 غ لوز مهرمش + 50 غ كركاع مهرمش + 80 غ مشماش مرقد مقطع طريفات + 80 غ زبيب منقي ومقطع + 30 سل قشدة طرية + ساشي فاني
يمكن استعمال أي نوع من الفواكه الجافة بيسطاش ونوازيت حسب المتوفر
الطريقة
كنحمر الفواكه الجافة في مقلاة ونضيف لهم 2 معالق سكر وفاني وأنا كنحرك حتي يصبح عندي كرميل ونصبهم فوق ورق السلفيغيزي ونسرحهم ونخليهم جانبا
كنطلع بياض البيض بحال الثلج ونسخن العسل مع 2 معالق سكر ونضيفه للبياض مع التحريك حتى يبرد ونضيف القشدة لسبق وضربتها ونحرك الكل ونضيف الفواكه الجافة مهرمشة و المشماش و الزبيب ونصب الخليط فومل طويل ولا دائري وندخلها المجمد ليلة كاملة
ونخرجها ونرشها بالشكلاط محكوك ونقطعها ونقدمها بالصحة والراحة
انتضري قليلا و ضعي تعليق هنا :
0 التعليقات:
إرسال تعليق